பிரிந்தாலென்ன சேர்ந்தாலென்ன?

உனக்கான

என் இதய வெளி

இன்னும் திறந்தே கிடக்கிறது

அலைபேசி புத்துயிர்க்கு

பிறகான எல்லா கனங்களும்

உன் வரவிற்கான எதிர்பார்ப்பை

கூட்டிவைத்துள்ளது

இதயமெங்கும்...

நமக்கு விதிக்கப்பட்ட

வெவ்வேறு பாதைகளில்

பயணித்தாலும்

நாம் நமக்குள்

ஏற்படுத்திக் கொண்ட

உனக்கும் எனக்குமான

ஒற்றைப் பாதையில் தான்

பயணிக்கின்றோம்
இதயங்களுக்கு ஏது இடைவெளி?

நாம் நமக்கான
காதலை உணர்ந்து கொண்டும்
சுமந்து கொண்டும் தான்
தூரங்களில் தொலைந்துள்ளோம்
காதலில் வென்று தான் நிற்கிறோம்
அந்த இருமாப்புடன்
காத்திருப்போம்..
நமக்கான காலத்திற்காய்...
இனி
நாம் பிரிந்தாலென்ன
சேர்ந்தாலென்ன?
                       - இயற்கைநேசன்